California-in ramsa hmul aṭanga thil siamchhuah a khap

US-a California state chuan ramsa hmul aṭanga thil siamchhuah hman leh zawrh a khap a, US state zinga hetiang thil khap hmasa ber a ni bawk.

California a chengte hian 2023 aṭang chuan ramsa hmul aṭanga siam thawmhnaw, pheikhawk leh handbag-te pawh an zuarin an hmang thei tawh dawn lo a, hei hian animal rights group-te a tilawm hle. Governor Gavin Newsom chuan hemi bakah hian circus show-a ramsa- zawhte, ui leh sakawr ni lote hman khapna bill a lo sign tawh bawk a ni.

Gavin Newsom chuan thuchhuah siamin animal welfare kaihhnawihah chuan California chu hmahruaitu an ni tih sawiin, tunah chuan ramsa hmul hmanga thil siam leh zawrh khap a ni tawh dawn thu a sawi. Sahmul aṭanga thil siam chhuah zawrh leh hman hi khap mah se savun hman emaw, sakhi, beram leh kel vun hmante emaw chu khap tel a ni lo thung niin San Francisco Chronicle report chuan a tarlang.

Dan an siam thar hi bawhchhia an awm a nih chuan $ 500 thleng an chawi thei dawn a, an tisual nawn a nih phei chuan $1000 thleng an chawi thei dawn a ni.