Spanish Court-in Catalonia hruaitute tang turin hrem

Spain Supreme Court chuan 2017-a Catalonia independence puannaa hruaitute chu sorkar laka hel vangin kum kua aṭanga kum 13 inkar tang turin a hrem.

Mi pathum chu thuawih loh vangin pawisa chawitir an ni a, mahse jail-ah erawh tantir an ni dawn lo thung. Sorkar laka hela puh hi politician leh activist 12 an ni a, an puhna hi an pha thung. Hetihlai hian Catalonia-a inlakhran duhtute chuan thiam loh chantir duh lohna lantir nan hian civil disobedience lian tham tak huaihawt an tum. 

Catalonia independence sualna kawnga mawhphurtu ber nia puh leh khatih hunlaia Catalonia vice-president nibawk Oriol Junqueras chu thubuai thehluttute chuan kum 25 tan tir turin duh mah se kum 13 tang tura hrem a ni a, ani hi hrem zingah a tang rei ber dawn a ni.