Tunisia president thar atan Kais Saied thlang

Tunisia President thlan thawh hnihnaah independent candidate Kais Saied chu a chak. 

Independent High Authority for Election (ISIE)-in Pathiannia inthlan result hi puangin, vote tla aṭanga 72.71% hmu tu Kais Saied chu Tunisia President thar atan thlan tlin a nih thu a puang. 

President thlan thawh khat­naah candidate zingah tling tura vote hmuh ngai zat, vote tla aṭanga 50% hmu pha an awm loh vangin vote hmu sang pahnihten inthlan thawh hnihna hi an hmachhawn a ni. Inthlan thawh hnihnaah hian Kais Saied leh Heart of Tunisa party hruaitu, Nabil Karoui-te an inhmachhawn a ni. Mahse Karoui hian vote 27.29% chauh a hmu pha. 

President atana thlan thar, Saied hi law professor a ni a, inthlan thawh hnihna an neih dawn pawh hian a campaign duh lo a ni. Saied hian a campaign auhlaah thuneihna semzai leh an ram danpui siamṭhatte a tiam.