Vladimir Putin-a'n Saudi Arabia a tlawh

Russia president Vladimir Putin chuan Thawhṭanni khan Saudi Arabia a tlawh a, Saudi lal King Salman Abdullah bin Abdulaziz nen inkawmin  oil lama thawhdunna tur an ziah bakah, ramri venhim kawnga hmalakna tur an sawidun. 

Heng bakah hian Saudi Arabia leh Iran chungchanga buaina neuh neuh chu, ram pahnihte hian an sawi dun bawk a ni.

Putin hi kum 2007-a Saudi Arabia a zin hnua a tlawh leh hmasak berna a ni a, King Khalid International Airport-a a ṭum hnuah Saudi Arabia khawpui Riyadh-a Al-Yamamah palace-ah King Salman Abdullah bin Abdulaziz a hmu nghal a ni. An inkawmnaah hian Putin chuan kawng hrang hranga King Salman hmalakna chu a fak hle a, an ram pahnihte'n hma an sawn zel theihnan, an inṭhianṭhatna chu zauhzel a duh thu Putin chuan a sawi bawk. 

Kum 83 mi King Salman pawhin, "Russia nen chuan kan inlaichinna tih ngheh kawngah leh fir­fiakte beih kawngah hma kan la mek zel a ni," a ti. Saudi Crown Prince Mohammed bin Salman chuan Putin leh Russian Foreign Minister Sergey Lavrov a hmu bawk a ni.