Libyan navy-te'n dan loa ramdanga luh tum mi 82 chhanchuak

Libyan navy-te chuan an ram khawthlang lam tuipuiah, dan loa ramdanga luh tum mi 82 an chhanchhuah thu an tarlang.

Navy thupuangtu Ayob Qassem chuan an ram aṭanga dan loa ramdanga luh tum mi 82 zingah hian, hmeichhia 11 leh naupang 8 an tel thu a sawi. Chhanchhuah hna hi Libya hmarthlang lama awm Zawiya khaw tuipui dung aṭanga km 65 hlaah thawh a ni a, Libya khawpui Tripoli aṭang km 45 a hla a ni thung.

Libya navy-te hian a hma lawkin dan loa ramdanga luh tum mi 90-te chu, luipui kama Khoms khua aṭangin an lo  chhanchhuak tawh bawk a, he an chhanchhuahna hmun hi Tripoli ṭanga km 120 a hlaa awm a ni. Tualchhung buaina vangin Libya chhuahsan hian Mediterranean tuipui kanin Europe lam pana tlanchhia an tam hle a, mi tam tak chu tuiah an tlahlum hial a ni. United Nations High Commissioner for Refugees (UNHCR) chuan Libya tuipui kam chu lawng hmanga inthiarchhuah nan chuan a him lo hle tih an tarlang bawk.