Israel-in Palestinian hnena electric pek titlem dawn

Israel Electric Cor­poration chuan West Bank-a chengte tana elec­tricity a pekna man leiba a tam avangin electric a pek chu tihtlem a tum a,  ni khatah darkar hnih zela tihtlem a tum nia sawi a ni. 

Palestinian Authority chuan electric lak man hi NIS tluklehdingawn 300 vel a ba tawh nia sawi a ni. September thla khan a ṭum khatna atan electric pek zat hi tihtlem alo ni tawh a, a vawi hnihna turin tihtlem belh leh tum a ni. September 22 aṭang khan West Bank-a electric pek hi chawhma dar 10 aṭanga chhun dar 12 thleng Ramallah elh Bethlehem district-ahte titawp a ni.

Jerusalem District Electricity Company (JDECO) chairman leh CEO Hisham Oma­ri chuan electric pek zat hi tihtlem belh leh a nih chuan zirna in, damdawiin, inbiak­pawhna leh damdawi dawr bakah service pawi­mawh dangte a nghawng ngei dawn tih a sawi. Electric ruk hmangte chungchang pawh buaipui thuai a ṭul thu a sawi bawk. JDECO hian IEV hnen aṭangin electric hi leiin Palestinian khaw hrang hrangah a pechhawng ve leh a ni.