Turkey-in ni 5 chhung atan inkahhai puang

US Vice President Mike Pence chuan Ningania Turkish president Tayyip Erdogan nen an inbiak hnuah, Turkey-in Syria hmar lam an beih mek chu ni 5 chhung inkahhai puan an remti tih a sawi. 

Ram pahnih hruaitute hian Turkey khawpui Ankara-a presidential palace hmunah darkar 4 chuang inbiakna hi an nei a ni. Turkey hian Syria hmar lama awm, Kurdish kaihhruai Syrian Democratic Forces (SDF)-te chu an ramri leh a chhehvel km 32 chin, 'safe zone' tia an vuah aṭanga umbo beihpui an thlak a, he beihpui thlak hi "Operation Peace Spring" tiin an vuah. 

US nen inbiakna an neih avang hian Turkey chuan an 'Operation Peace Spring' chu, ni 5 chhung atan a titawp rih  a, an sipaite pawh ramri aṭang an la sawn. Turkey chuan Kurdish fighter hi ramri aṭanga an inthiarfihlim chuan beihpui thlak chu an tihtawp nghal tur thu a sawi bawk. 

Syrian Observatory for Human Rights chuan Turkey sipaiten beihpui an thlak aṭang hian civil mi 300,000 chuang zet chu hmun him lamah an tlanchhe tawh tih a sawi.