EU leh Britain-in Brexit deal thar siam

European Union leh Britain chuan Brexit deal thar an siam ta niin Euro­­pean Commission president Jean-Claude Juncker chuan Ningani khan a twitter-ah a ziak. 

Commission website-ah pawh Ireland thliarkar remna leh muanna humhimna tur Protocol thar an pawm ve ve tawh tih leh, an Single Market humhimna tur huam tel a nih thu a tarlang. Hei hi an pawm tlan ngei tawh a beisei thu leh khua leh tui bakah sumdawnnain a phu ang ngei chu pek an nih a beisei tih a tarlang bawk.

European Commission's chief negotiator, Michel Barnier pawhin deal thar chu "all-win" a ni tih a sawi. Michel Barnier chuan harsa tak chungin Single Market zahawmna tibawrhbang si loa chinfelna an siam ta tih a sawi. Buaina chu EU, UK leh Northern Ireland mipuite leh sumdawnna pawhin an pawm theih tur a ni, a ti. 

*    Northern Ireland chuan bithliah chin awmin EU dan an zawm dawn a, hei hian bungraw chungchang a kawk bik.

*     Hetichung hian Northern Ireland chu Britain's customs territory hnuaiah a la awm reng dawn tho a, EU Single Market entry point angin a awm zui ang. Hei hi hun lo kal zel tura Britain trade policy tana hlawkna tura ngaih a ni.

British prime minister hlui Theresa May leh EU-in inremna an siam tawh chu Britain parliament-in an pawmsak theih loh avangin ṭum hnih ngawt Brexit deal 'deadline' hi pawhsei a ni. Tuna Bristish PM Boris Johnson hian inremna an siam emaw, siam lo emaw October 31 hi chuan EU hi an chhuahsan dawn tho tih a sawi thung a ni.