Pakistan PM-in ṭhalaite puala programme siam hawng

Pakistan prime minister Imran Khan chuan an ṭhalaiten sumdawnna bul an ṭan theihna tura sum leh thildang hmanga puihna tura sorkarin programme a siam chu a hawng. 

Ṭhalaite thuam chakna tur programme, Kamyab Jawan Prog­ra­mme atan hian sorkar chuan cheng tluklehdingawn 100 a ruahman a ni. Heng zinga cheng tld 25 chu hmeichhe tan bika dah a ni bawk. 

PM chuan Kamyab Jawan Progamme hnuaiah hian ṭhalai, sumdawnna bul ṭan turte chu a pung awm loin loan, cheng nuai khat chin pek an ni dawn tih a sawi. Hei bakah hian training pek nan cheng tld 10 hman ni bawk ang. He programme hmang hian ṭhalai maktaduai khat puih theih beisei an ni. 

Thalai 25,000-te chu industry hrang hrangah training tir an ni ang a, sorkar chuan science lab 500 siam thar a tum bawk.