Prophet Mohammed sawichhiat vangin Bangladesh-ah buaina chhuak
Facebook-a Hindu mi pakhatin Prophet Mohammed sawichhe zawnga a comment nia sawi avangin Pathianni khan Bangladesh-a Bhola district-ah buaina a chhuak.
Social media-a Prophet Mohammed sawichhe zawnga comment a awm vanga lungawi loin, Pathianni khan Muslim mi tam tak chuan Muslim Tawhidi Janata hmingin lungawi lohna an lantir nghal a ni. Pungkhawmgte hian security official-te pawh an bei a, buaina a chhuak zui ta a ni.
He buaina chhuakah hian mi pali an thi a, mi 50 chuangin hliam an tuar bawk. Facebook-a comment-tu chu police kutah a awm tawh a, mahse comment tu hi a nih loh thu leh, a Facebook chu hack sak a nih thu a sawi. A thusawi a-
ṭang hian police-te chuan a facebook hack-tua nia rinhlelh mi pathum an man tawh bawk.
Kar kal ta Zirtawp aṭang khan hindu-pa thu leh hla hi social media lamah a darh chiam mai a, buaina tihziaawm a nih theih nan tualchhung upate chuan, Pathianni khan meeting nei nghal mah se nawrh huaihawt chhunzawm a ni.
Hliam tuar zingah hian ngaihtuah awm deuh an awm avangin thi zat hi hei aia an tam rin a ni. Bhola district police chief Sarkar Mohammad Kaisar chuan Char Boharuddin hmuna inbeihnaah hian police-te pawh inhliam an awm nual thu a sawi.
Facebook-a thil post avang thoin kum 2016 khan Brahmanbaria khuaah hian, muslim-te chuan hindu temple an lo bei tawh bawk a ni.