Trump-a'n US Undersecretary of Defence chawlh tir

US president Donald Trump ngenna angin, tun thla chhung hian U.S. Undersecretary of Defence for Policy a nihna aṭangin a bang dawn tih John Rood chuan a sawi.  

John Rood hian US Secretary of Defence hnen aṭangin a hna aṭanga chawl tura tihna a dawng tih a sawi a, February 28 hian a han aṭang hian ban fel hman a tum thu sawiin, heng a thu ziahte hi Trump hnenah a thawn.

Twitter lamah Trump chuan Rood chungchang hi sawi chhuakin, US ram tana a lo thawh tawhna zawng zawngah lawmthu a hrilh a, a hun kal leh zel tur atan duhsakna a hlan thu a sawi bawk.

Rood hi a hna aṭanga chawlh tir a nih chhan hi Ukraine ram chungchang vang nia sawi a ni. Ukraine chungchanga President Trump policy pawimawhte chu a pawmpui ve lo a, hei bakah hian Taliban nena inbiakna neih te, South Korea-a US sipaite awmte chungchanga Trump kaihhruai sorkar hmalak dan pawh a thlawp ve lo bawk. 

Kum 2018 January 9 aṭang khan Rood hian US undersecretary of defence for policy hna hi a chelh a ni. Tun hnaiah Defence Department senior official eng emaw zat an lo bang tawh a, chungte chu  Secretary of Defence chief of staff Eric Chewning, Assistant Secretary of Defence for Indo-Pacific Security Affairs Randall Schriver, Principal Deputy Under Secretary of Defence for Intelligence Kari Bingen, Defence Advanced Research Projects Agency Director Steven Walker,Navy Secretary Richard Spencer, Deputy Assistant Secretary of Defence Middle East Mick Mulroy, Acting Assistant Defence Secretary for Special Operations and Low-intensity Conflict Mark Mitchell leh Acting Under Secretary of Defence for Personnel and Readiness Jimmy Stewart te an ni.