Germany bar-a inkahnaah mi pakua an thi

Germany khaw thlang lama awm, Hanau-a bar pahnihah Nilaini zan khan inkahna a thleng a, mi pakua an thi a, eng emaw zat an hliam bawk.

Silai hmet puaktu nia rinhleh hi a inah thiin an chhar zui a, a nu ruang pawh hmuh a ni bawk a ni.

He thil thleng rapthlak tak hi Federal prosecutor-te chuan firfiaka chetnaah an puh a, silai hmet puaktu pawh hi far-right extremist a ni tih finfiahna an nei tih an sawi. Pawikhawihtu hi silai kawl theihna licesce a nei a. Germany khua leh tui diktak niin, a car-ah silai mu leh magazine eng emaw zat an chhar bawk.

Police-te chuan pawikhawihna a thlen hnu hian amah a inthat zui niin an sawi.