Brazilian Senator kah a ni

Brazilian Senator Cid Gomes chu an ram hmar­chhak lama awm Ceara-ah Nilaini khan a awmah kah a ni a, a dinhmun erawh ngaih­tuahawm a nih lo thung.

Nilaini khan Ceara-ah hian military police-te chuan hlawh san phutin nawrh an huaihawt a, hetah hian police base gate pana a kalna lamah officer pakhatin a lo kap a ni. Gomes hi Ceara governor hlui a ni nghe nghe.

Silaimu hian a sa pawi lai a khawih lo a, a dinhmun pawh a ṭha tih a unaupa chuan a sawi a ni.

Gomes kah a nih hnu hian sorkar chuan National Public Security Force a dahlut nghal a, anni hian ni 30 tal chu venhim hna hi an thawk zui ang.