Somalia leh US airstrike-ah firfiak pathum an thi

Somalia leh US sipaite chuan Somalia khawpui Mogadishu-a Wadajir district-ah Nilaini khan beihpui thlakin thlawhtheihna hmangin al-Shabah firfiak pathum an kap hlum.

United States Africa Co­mmand (Africom) chuan civil mi hliam an awm loh thu an sawi nghal bawk.

Africom deputy director of intelligence, Gregory Hadfield chuan al-Shabah firfiakte hian pawikhawihna tam tak an thlen tawh tih sawiin, tual thahna bakah bomb eng emaw zat an tipuak tawh a ni, a ti.

Somalia leh a thawhpui ramte chuan firfiakte lakah hian kum 2011 aṭang khan beihpui an thlak tawh a, Mogadishu-a firfiak awmte um chhuah an tum a ni. Kum 2017 aṭang khan African Union, Somalia leh US ṭangrual chuan nasa lehzuala beihpui thlakin, van lam leh lei lamah al-Shabab um chhuahna tur hian beihpui an thlak a, hetihlai lai hian al-Shabab tam tak chuan Mogadishu-ah hian bu an la khuar nghet hle.