NKorea-ah chaw khawp- kham hmu lo mtd 11 awm

United Nations independent investigator on human rights chuan North Korea ramah chaw khawp­kham hmu lo mi maktaduai 11 an awm thu Thawhlehni khan a sawi. 

Chaw khawp kham lo tehna chuan hlauhawm chin a thlen thu leh, North Korea mihring chanve dawn chu chaw khawpkham lo an nih thu,  United Nation Special Rapporteur on human rights in North Korea Tomas Ojea Quintana chuan a sawi.  

UN General Assembly human rights committee hnenah Tomas Ojea Quintana chuan naupang 140,000 chu chaw khawpkham lo an nih thu leh, heng zinga naupang 30,000-te chu ei tur tlakchham vanga thi thut thei dinhmuna an din thu a hrilh.

Quintana chuan, "North Korea-in harsatna a tawh mekah hian mawhphurtu chu sorkar a ni. Mimal zalenna rahbeh a ni a, ram ei leh bar kawngah leh lo neih lama sorkar policy a hlawhchham vang a ni," a ti bawk. Sik leh sa inthlak avang te, lei ṭhat loh vangte, khaurel chhiatna thleng avang leh thil sem inrual khai loh avangtein North Korea ramah hian chaw khawpkham lo an tam phah a ni.

An rama ei leh bar kawnga harsatna an tawh avang hian, NKorea mite chu China ramah an pem phah fo bawk.