Britain police-ten truck chhungah ruang 39 hmuchhuak

Britain police-ten Bulgaria aṭanga kal nia hriat, truck pakhat chhungah Nilaini khan ruang 39 zet an hmuchhuak a, motor khalhtu hi an man nghal bawk. 

Motor chhunga ruang an hmuhte hi puitling 38 leh rawlthar pakhat an ni a, central London aṭanga khawchhak lam, km 32 vela hlaa awm Waterglade Industrial Park-ah an hmu a ni. Ruang an hmuhna truck hi Bulgaria aṭanga kalin, North Wales port aṭangin Britain hi a lut niin an sawi. Driver hi kum 25 mi, Northern Ireland mi a ni.

Britain prime minister Boris Johnson chuan mihring hmanga sumdawng an awm ṭhin tih chu an hriat thu leh, hetianga sumdawngte chu chhui a, an chungthu relsak an nih ngei tur thu a sawi. Bulgaria foreign ministry pawhin truck-a ruang tam tham tak hmuh a nih chungchangah Britain thuneitute nena an inbiak thu a sawi a, ruang an hmuhte hi eng ram mi nge tihchian a la ni lo a,

Britain police-te chuan hun a la duh rei deuh dawn niin an sawi. Ireland prime minister Leo Varadkar pawhin he truck hian Ireland a paltlang a nih chuan, a ṭul angin a chhui zui hna pawh an thawh tur thu a sawi bawk.