Kurdish-ten inkahhai bawhchhiaah Turkey puh

Syria hmarchhaka Kur­dish pawlte chuan Turkish sipaite leh Syria hel an thu­rualpuite chuan inkahhai an bawhchhia niin an puh. 

Syrian Democratic Forces (SDF) alliance hotu Mazloum Abdi chuan Ras al-Ain bulah inbeihna a thleng tih sawiin US leh Russia-te chu Turks-te thunun turin a ti. Hetihlai hian Russian foreign ministry chuan SDF-a Kurdish fighter-te chu Turkish ramri aṭangin an inhnukkir tih an sawi.

SDF-te hian Turkish sipaite hian Thawhlehni khan Ras al-Ain hmar lama thingtlang khaw pathum an bei tih sawiin, ralthuam pawh an hmang rip hle tih an sawi. Hetianga inkahhai an bawhchhe reng a nih chuan SDF lam pawhin invenna atan an bei let ve dawn niin thuchhuah an siamah pawh an tarlang. 

Syria state-run news agency Sana pawhin Tur­kish-te hian Tal Tamer-a Syrian sipai awmte an bei tih an tarlang ve bawk. Tur­key lam erawh chuan hemi chungchangah hian thu­chhuah an la siam lo.