IS hotupa Abu Bakr al-Baghdadi a thi
US sipaite'n Syria-a Idlib hmuna beihpui an thlaknaah, Islamic State (IS) firfiak pawl hotupa Abu Bakr al-Baghdadi chu a thi niin khawthlang thuthar thehdarhtute chuan nimin khan an sawi.
Baghdadi hi US sipaiten beihpui an thlakna karah hian thihchilh bomb hmangin a intihlum niin an sawi. US kaihhruaia ṭangrual ramten IS lakah beihpui an thlaknaah, Baghdadi hi a thi nia report a lo awm fo tawh a, mahse finfiahna erawh a awm ngai lo a ni.
Hun rei tak a chin hriat a nih loh hnuah, kar kalta Thawhṭanni khan IS media network chuan an hotu Abu Bakr al-Baghdadi video hi an tichhuak a, hei hi kum nga chhunga mite hmuha a rawn lan lehna hmasa ber a ni. Kum 48 mi Iranian Baghdadi hian kum 2014 khan Syria leh Iraq ramah hian muslim lalram dinna turin ram zau tak a la a ni. A lal ram zauhnaah hian mi tam takin nunna an chan a, amah hi mawhphurtuah puh a ni bawk.
US kaihhruaiin ṭangrual ramte chuan kum hnih bawr vel chu Iraq leh a chhehvelah hian IS firfiakte laka beihpui thlakin, kumin March thla khan IS firfiakte an hneh thu chu an puang. Baghdadi lumanah hian US chuan dollar maktaduai $25 a lo chhiar tawh bawk a ni.