California ram kang vangin power titawp

California ram kang, 'Kincade fire' tia a hming an vuah chuan ziaawm lam a pan theih loh avangin Los Angeles leh Sonoma county-ahte chuan state of emergency puan a nih bakah power tam tak an cut.

Power cut hian mi mak­taduai hnih vel a nghawng a, Pacific Gas & Electric (PG&E) chuan  thli na zawk a thleh dawn nia a lan avangin power hi an cut a, hei hi an state chanchina 'blackout' lian ber a ni hiala sawite pawh an awm. 

California hmar lam­ah chuan mi 90,000 vel chu hmun him lama insawnchhuak tura hriattir an ni tawh a, Sonoma County-ah chuan ram acre 25,455 zet a kang tawh.

PG&E official-te chuan Inrinni chawhnu aṭang khan power hi an cut tih sawiin, heihi vantlang tana ṭha zawk tur a nih thu leh vawiin thleng hian an cut dawn tih an sawi a ni.