Pakistan PM hlui Sharif jail aṭangin chhuah lailawk

Pakistan court chuan kar kal ta Inrinni khan an ram prime minister hlui Nawaz Sharif chu a hriselna a ṭhat tawk loh avangin, interim bail-in jail ṭangin a chhuah lailawk.

Ṭum thum lai Pakistan PM lo ni tawh leh Pakistan PM ni rei ber Sharif hi, Chaudhry Sugar Mills-in sum an hmuhna tura a thuneihna dik lo taka hmanga puhnaah thiam loh changin, jail-ah hian kum sarih tang tura tih a ni. 

Kot Lakhpat Jail-a tang Sharif hi kar kal ta Thawhṭanni khan a damloh avangin Jail aṭanga lak chhuah niin, damdawi-inah dah luh a ni. Sharif-a lawyer Zafarullah chuan, "Court hnenah hian interim bail kan dil a, court chuan min phalsak a ni. Permanent bail kan dilna pawh min ngaihtuah sak leh dawn a ni," a ti.