UN-in Zambia ṭanpuina turin $mtd 90 a dilpui

United Nations leh a thawhpuite chuan Zambia chhim lama ruahtui tlak tlem avanga harsatna nasa tak tawk mekte ṭanpuina turin $ maktaduai 90 mamawh a nih thu an sawi.

Thuchhuah an siamah, UN chuan ruahtui tlak tlem avang hian Zambia hian thlai tharchhuah lamah harsatna a tawk nasa hle a, vaimin a tharchhuah chu 16% vel zetin a tlahniam tih a tarlang. 

Zambia hian 1981 hnu lamah ruahtui a dawn tlem ber ṭum antawng mek a ni. Hemi avang hian ṭampui hmachhawn thei reng a ni a, mi maktaduai 2.4 vel zet chuan tun thla aṭanga nakkum March thla thleng hian chaw ei tur an tlachham dawn nia chhut a ni bawk.