Colombia presidential helicopter chesualah paruk thi

Colombia presidential helicopter pakhat chu Zirtawpni liam ta khan central Colombia Cundina­marca department bulah a chesual a, a chhunga chuang Colombian Air Force (FAC)-te chu an thi vek. Helicopter chesualah hian mi paruk an chuang a ni. 

FAC chuan thuchhuah siamin an crew member paruk, FAC helicopter 0006 chesuala an thi chu pawi an tih thu an tarlang. Helicopter hi Zirtawpni daih tawha chesual tawh ni mah se a chetsualna hmun tak hi an zawng hmu thei lawk lo a, an ram huna Pathianni zing lamah khan an zawng hmu chiah a ni. Hemi hnu hian a chesual tih pawh hi an puang chiang chauh.

Bell 412 helicopter hi khaw chhiat vanga chesual nia ngaih a ni. He helicopter chesualah hian an ram President ngei pawh ṭum eng emaw zat chu a chuang tawh ṭhin. "He chet­sualnaah hian ka thawhpuite an tel avangin min deng na hle a ni," tiin President  Ivan Duque chuan a sawi a, mitthi chhungte a tawrhpui thu a sawi.