Hong Kong inthlan: Joshua Wong chuh ve khapsak

Hong Kong democracy activist leh Demosisto party secretary-general Joshua Wong chu November thlaa district inthlan neih turah a chuh ve khapsak a ni. 

Kum 22 mi, Joshua Wong hi Hong Kong sorkar laka lungawi lohna lantir a, democracy tundin phuta nawrh huaihawtnaa a hma­hruaitu zinga mi a ni. Kum 2014-a Umbrella Protest neihnaa a hmahruaitu ber a nih avangin jail-ah pawh khung a lo ni tawh bawk.  November-a inthlan neih tur atana a nomination hnawlsak a nih chungchangah sorkar thiltih dan chu na takin a sawisel a, 'political screening' kalpuiah a puh. Nomination thehlut zingah amah chauh chu hnawl a nih thu a sawi.

Hetihlai hian sorkar thupuangtu chuan Wong-a nomination hnawlsak a nih chhan chu electoral law te a zawm loh vang a ni, a ti thung. Wong-a hnawl a nih chhanah politics a inrawlh lo tih a sawi bawk. Mahse sorkar insawi­fiahna hi mi tam takin an pawm lo a, Wong-a nomination hnawlsak a nih vang hian nawrh huaihawt mek pawh a tih punlun phah rin a ni. 

Nikum khan democracy activist dang, Anges Chow pawh by-election neih tura chuh a tum ve chu phalsak a lo ni tawh lo bawk.