Chile nawrh huaihawtah mi 20 an thi

Chile  interior ministry chuan October 19-27 inkara  an ram chhunga nawrh huaihawtna hrang hrang­ah mi 20 an thi tih leh mi 473 an hliam tih a sawi.

Hliam zingah hian police officer leh security force mi eng emaw zat an tel tih a sawi bawk. An chhinchhiah dan chuan sorkar laka lungawi lohna lantirnaah hian buaina lian tham ṭum 1,227 zet a chhuak. Heng zingah hian kangmei chhuak te, rukruk leh vantlang leh mimal thil tihchhiatte pawh a tel a ni.

Police car 455 tihchhiat a ni a, subway station 49-ah bungrua tihchhiat a nih bakah public transport bus 26 tihchhiat a ni bawk. Curfew puan a nih chhung khan mi 7,166 hren an ni a, heng zinga 2,037 chu jail-ah tantir an ni bawk.

Thawhṭanni khan Chile president Sebastian Pinera chuan duh lohna lantirtuten an phut angin a cabinet mi­nis­ter-te chu a thlak kual a ni.

Chile ram buaina hi subway fare man tihsan a nih vanga irhchhuak a ni a, heihian buaina lian zawk a hringchhuak a ni.