Saudi kaihhruai airstrike-ah Mi 50 chuang thi: Houthi

Yemen helpawl, Houthi thunun health ministry chuan nimin zing khan thuchhuah siamin, Yemen central province, Dhamar-a Saudi kaihhruai ṭangrual pawlten thlawhtheihna hmanga jail an beihnaah mi 50 chuang an thi tih an tarlang.

Health ministry chuan 100 chuang an hliam tih an tarlang bawk a, hliam tuar tam tak hi an dinhmun a ṭhat loh avangin thi zat hi an la pung mai thei tih an tarlang bawk. He tan-inah hian sorkar thawhpuitu mi 170 vel chu dah an nih thu tarlangin, thla eng emaw zat chu tan-inah hian khung an ni tawh tih an tarlang a ni.

Houthi TV chuan tangte hi thla rei lote hnua chhuah zalen tur an nih tawh thu an tarlang ve bawk. Houthi-thunun al-Masirah television chuan Saudi kaihhruaina hnuaia tan-in beih hi Dhamar-a Community College complex chhunga awm a nih thu leh  International Committee for the Red Cross (ICRC) pawhin ṭum eng emaw zat an tlawh tawh tih an tarlang. Hetihlai hian Saudi lam chuan air defense missile leh drone dahkhawmna hmun an bei tih an sawi ve thung.