Thailand leh South Korea-in MoU ziak

Thailand prime minis­ter Prayut Cha-o-cha leh South Korea president Moon Jae te chuan Thawhṭanni khan Bangkok-ah  ram pahnihte thawhdunna tur, Memorandum of Un­der­­­s­tanding (MoU) an ziak.

South Korea president Moon hi Asia ram pathum Thailand, Myanmar leh Laos tlawh tura zin chhuak a ni a, Thawhṭanni khan Thailand ram hi tlawh hmasa berin, Thailand prime minister Prayut nen Government House-ah inkawmin thawhdunna tur, MoU paruk an ziak a ni.

1.    Tui lama thawhdunna, ram pahnihte climate change, inrenchem zawnga hmasawnna kalpui leh tui renchem taka hman a nih theih nana thawhho. 

2.    Zirna lamah thawhdunna pawh ziah niin, Thai primary leh secondary school zirlaite tana Korean ṭawng zir theih tura hmalak tum a ni. 

3.    Sipai lama thawhdunna. 

4.    Industry lama inelna ṭha a awm theih nana thawhho. 

5.    Rel hmanga ram pa­hnihte inkalpawhna ṭha an neih theih nan leh ram pahnihte intlawhpawhna awlsam zawk an neih theih nana thawhho. 

6.    Smart city din belh zel a nih theih nan policy, techno­logy, information leh human resources lama thawhho