California-ah Conception lawng chesual

US-a California tuipui kam Santa Cruz Island-ah Thawhṭanni  khan Conception lawng  a chesual.  Lawng ah  hian kangmei  nasa tak a chhuak a, a hmunah mi 25 an boral a, mi pakua chin hriat loin an awm mek.

He lawng chesualah hian passenger 33 leh crew member paruk an chuang a, heng zingah hian crew member pangate chu dam khaw chhuak awmchhun nia hriat an ni. Chhanchhuah hna hi Santa Barbara Sheriff leh US Coast Guard-te chuan an thawk nghal a ni. 

He lawng Conception chetsual chhan hi, tuichhung luhnaa  hman ṭhin oxygen bawm emaw propane tank a puah vanga kangmei chhuak anih a rin thu Santa Barbara County Sheriff Bill Brown chuan a sawi. Kangmei chhuah chhan hi chhui chian mek a ni.

Cenception hi Channel Island-a nithum chama excursion nei tura kal a ni a, Thawhṭannia Santa Barbara-a a let leh chu a chesual ta a ni.