Britain PM-in March 8-ah school hawn theih beisei
Britain prime minister Boris Johnson chuan hripui leng vanga hun rei tak an rama school khar tawhte chu March 8 hian hawn theih a beisei thu a sawi. Hemi rual hian England-a coronavirus lockdown hman mek chu hman chhunzawm zel a la ni rih dawn tih a sawi bawk.
Boris Johnson chuan hri leng hluarna ram aṭanga England-a zin luhte tan khuahkhirhna thar siam a nih thu a sawi. England hian hri leng hluarna ram, red list a siamah ram 22 telhin, heng ram aṭanga lutte chu anmahni sensoin hotel-ah ni 10 chhung an inkhunghrang phawt a ngai dawn a ni.
Red list-a tel ram 22 zinga a tam zawk hi South America leh Africa ram an ni a, Europe ram zingah chuan Portugal chauh a tel. UK aṭanga zin chhuak duhte tan pawh zinchhuah an ngaihna chhan ziaka sawifiahna an neih ngei a ngai bawk.