World Bank President atan Ivanka Trump leh Nikki Haley-te sawilang

World Bank President Jim Yong Kim chuan kar kalta Thawhṭanni khan a ban thu a puang a, a thlaktu tura hming sawilan zingah UN-a US ambassador hlui Nikki Haley leh US President Donald Trump-a fanu leh a adviser Ivanka Trump-te hming sawirik a ni. 

Ziak loh dan angin World Bank president-ah hian shoreholder lian ber, US nominee dah an ni ṭhin. US Treasury Department thupuangtu chuan rawtna eng emaw zat an dawn tawh thu sawiin, an zirchiang dawn tih a sawi a, governor-te nen hruaitu thar tur thlang hian an thawk ho dawn tih a sawi. World Bank president thar tura sawilan zingah hian Haley leh Trump-te bakah Treasury Undersecretary for International Affairs David Malpass leh  US Agency for International Development hotu Mark Green-te pawh sawilan an ni bawk.