Israel sipaite nena intihbuaina-ah Palestinian parukin hliam tuar

West Bank-a Ramallah khuaah kar kalta Inrinni khan Israel sipai leh Palestinian-te an intibuai a, Palestinian parukin hliam an tuar. 

Israel sipaite hi Ramal-lah khuaah lutin, khaw laili laiah Palestinian ṭhalaite nen intibuaiin, Palestinian mite hian lung in sipaite hi an lo tawng a, sipaite hian hnawh darh nan tear gas leh rubber gun-ten an kap niin Palestinian Health Ministry thuchhuah chuan a tarlang. 

Ramallah khuaah hian Israel sipaite hi a hmain an lo lut tawh bawk a, he hmun hi Palestinian Authority thuneihna pumhlum hnuai awm, Area A a nih avangin  PA sorkar chuan khawpui chhunga Israel sipaite lut hi a ngaimawh hle.