China-a lungalhthei khur chimah mi 21 thi

China hmarlam, Shaanxi-ah kar kalta Inrinni khan lungalhthei khur chu a chung a chim a, hnathawktu miner 21 an thi. 

Inrinni tlai lama Shaanxi lungalh-thei khura chhiatna a thlen lai hian khur chhungah hnathawktu 87 vel an awm a ni. Hnathawktu zing a tam zawk chu lakchhuah tawh niin nimin thleng khan mi 2 chu khur chhungah an la tang a ni. Thuneitute chuan chhiatna thlen chhan hi an chhui chiang mek tih an sawi.