Bangladesh-in garment worker-te hlawh tisang

Bangladesh chuan an rama garment worker-te hlawh a tihsan sak. Hnathawktute hian an hlawh tihsan phut hian hun eng emaw chen nawrh an lo huaihawt tawh a ni. 

State Minister for Labor and Employment Munnujan Sufian chuan Pathianni zan khan garment worker-te hlawh tihsan a nih thu hi a puang a, Prime Minister Sheik Hasina-i thupek angin hnathawktu, grade hrang hrangte hlawh chu tihsan a ni tih a sawi.

Hlawh bi thar siamah hian garment worker grade-I te hlawh chu minimum monthly  basic taka 18,257-ah tihsan a nia, grade-II-te hlawh chu taka 15,416, grade-II chu taka 9,849, grade-IV chu taka 9,347 leh grade-V-te hlawh chu taka 8,875-ah bithliah a ni. 

Hnathawktute hian an hlawh tihsan phuta nawrh huaihawtin, an thil phut tihhlawhtlin a nih loh chuan factory kharah an lo vau tawh a ni. Kar khat zet nawrh an huaihawt chhung hian hmun hrang hranga buaina a chhuak a, hnathawktu ṭhenkhat an thih bakah hliam tuar eng emaw zat an awm. 

Bangladesh Garment Manufacturers and Expor-ters Association (BGMEA) President Siddiqur Rahman chuan hnathawktute hian an hna hi an zawm loh chuan an ram chhunga factory-te chu tiam chin awm loa khar a ngai dawn niin a sawi.