Pak varsity-in V-Day-ah Sisters’ Day hman tum

Pakistan Univerity chuan February 14 hi an university chuan 'Islamic tradition' chawilarna atan Sisters' Day-ah an hman tur thu a sawi. 

Faisalabad-a University of Agriculture  vice-chancellor chuan Zafar Iqbal Randhawa chuan Sisters' Day ni hian zirlai hmeichhiate chu thawmhnaw leh scarf-te pek an ni dawn tih sawiin, mipuite chuan Pakistan ramah hmeichhia/farnute ngaihhlut an nih dan an hrethiam dawn a ni, a ti. He thil hi Pakistan leh Islam culture nen pawha inhmeh tak tur a nih thu a sawi.

 

February 14 hi khawvel ram hrang hrangah Valentines Day atan hman a ni ṭhin a, mahse Muslim ṭhenkhat chuan Valentines Day hi duh loin, Pakistan rama Islamabad High Court chuan kum 2017 leh 2018 khan hman a lo khap tawh a ni. Kum 2016 khan hetihlaia Pakistan president Mamnoon Hussain chuan Pakistan mipuite hnenah Valentines Day chu Muslim tradition a ni lo tih sawiin, lawm ve lo turin a lo ti tawh bawk.