Israel-in Holocaust a Juda tihhlumte ruang zawng dawn

Israel diver-te chuan Budapest, Hungary a Danube luiah Holocaust a Juda mi tihhlumte ruang an an zawng dawn. 

Budapest tlawha zin, Israel Interior Minister Aryeh Deri chuan ruang an hmuhte chu Juda dan ang taka vui ṭhat leh an nih theihna turin Israel-ah thawn a nih tur thu a sawi. 

Kum 1944 kum tawp lam khan Nazi Arrow Cross thlawptute chuan Budapest-ah hian Juda mi sang tel an that a, tam tak chu Danube lui kamah kaphlumin, an ruang hi luiah an paih zui a ni.

Holocaust a tihhlum Hung-arian Juda hi nuai nga chuang an tling a ni. 

Diver-te hian lui mawnga ruang an zawnna atan hian sonar device an hmang dawn a, meter 150-a thuk thleng hman theih niin, meter 130 biala zau an enfiah thei dawn a ni. Deri chuan an thiltih tum hi Hungary Interior Minister Sandor Pinter pawh a sawipui nghal bawk. 

Kum 2005 khan Hungary chuan Juda mi tihhlumte hriatrengna, The Shoes on the Danube Promenade chu a lo tlangzarh tawh a, Nazi kut tuartu Juda mite hriatrengna atan hian thir hmanga siam pheikhawk bun 60 chu lui  kamah an dar tlar a ni.