Israel-in West Bank-ah in sak belh a tum

Israel prime minister Benjamin Netanyahu chuan West Bank-a Har Homa-ah Juda-te tan chenna in 3,000 sak belh tum a nih thu a sawi.

Netanyahu hian he thu hi March 2-a an ramin inthlan an neih tur atana election campaign a neihnaah a sawi a ni.

 Kum 1967 aṭang khan Israel chuan West Bank hi a thunun ṭan a, kum 1993-a Washington, D.C-a Israel leh Palestine Liberation Organization (PLO)-ten an ziah Oslo Accords hnuaiah khan West Bank hi Areas A, B leh C-ah ṭhen hran a ni a, Area A hian West Bank ram 60% a huam a, Accord hnuaiah hian Israel chuan Area A hi a thunun tur ram chin tih a ni.

Kum 2014 khan Jerusalem planning committee chuan Givat Hamatos hmunah Juda-te chenna tur in 2,610  sak tur chu a lo pawm tawh bawk. Mahse hemi ṭum hian US leh European Union-in Israel hmalak tumna hi nasa taka an sawisel sak avangin Israel chuan a ṭhulh leh ta a ni. Thla hluia Trump peace plan puanzarah, Israel chu Palestinian ram luahsaka thuneitua a pawm avangin Israel pawh hian West Bank-ah hian Juda-te chenna tur chu ngaihngam takin a sak theih phah dawn nia sawi a ni.