Firfiakten Kenya hotel an bei

Kenya khawpui, Nairobi-a Dusit hotel chu Thawhlehni khan firfiakten an bei a, mi 15 an kaphlum. 

Somalia-a Islamist firfiak pawl, al-Shabaah chuan hotel beitu an nih thu hi an sawi. Firfiakten an kahhlum zinga 11 hi Kenya mi niin, American pakhat leh British pakhat an tel bawk a, midang pahnih erawh chu eng ram mi nge tih hriatchian an la ni lo. 

Al-Shabaab-te hian UN thlawp Somalia sorkar paihthlak a, Islamic law hman a nih theihna turin hun rei tak chhung sorkar hi an bei tawh a, pawikhawihna an thlen fo a ni. An pawl thupuangtu,  Abdiasis Abu Musab chuan Nairobi-a hotel beitu an nih thu hi a sawi a, pawikhawihna pawh thlen chhunzawm zel an tum thu a sawi.