Palestine-in UN member puitling nih dil dawn

Palestinian Foreign Minister Riyad al-Maliki chuan United Nations-a member puitling, full member nih an dil dawn tih a sawi. 

US chuan Palestinian-in UN full member nih a tumna hi a thuneihna hmanga lo dan, veto a tum thu sawi mah se Palestine chuan kaltlangpui a tum tho a ni. 

Al-Maliki chuan US veto hi an hmachhawn a ngai dawn tih hre mah se, dilna an thehlut tum chu an ṭhulh phah dawn lo tih a sawi. 

Kum 2011 khan Palesintian hian UN member nih hi a lo dil tawh, a mahse an dilna hi UN Security Council-ah ngaihtuah tura chhawpchhuah a ni lo. Hemi hnu hian Palestine status hi non-member observer entity aṭangin non-member observer state-ah hlankai sak a ni thung.

 

Palestinian hian inter-national organisation leh agreement 50 chuang a zawm tawh a, heng zingah hian International Criminal Court leh UN heritage body, UNESCO pawh a tel. Kum 2017 khan Interpol chuan Palestinian Authority in  member a dilna chu a lo pawmsak tawh bawk.