Israel-in Hezbollah missile plant hmuchhuak

Israel leh Hezbollah hel­pawlte chu Lebanon ramri-a an inkah hnu lawkah, Israel chuan Hezbollah-ten Lebanon ram chhunga missile plant an siam chu an hmuchhuak tih a sawi. 

Israel sipaite chuan nimin khan thuchhuah siamin, Hezbollah-te hian Iran puihnain Bekaa Valley-a al-Nabi Shaith khaw bulah ralthuam siamna factory-a hman tur hmanruate an lei tih a sawi. An thusawi finfiahna tur hian satellite

aṭanga thlalak pawh an tichhuak tel a ni. Heng hmanruate hi mis­sile plant ami tur niin a sawi bawk. 

Hezbollah chuan Israel puhna hi chhang let nghalin, missile siamna hmun an nei lo a, mahse ralthuam erawh chu an nei thung tih a sawi. Heng an ralthuamte hi Israel hmun pawimawh kahchhiatsakna atana hman theih reng an ni, a ti. 

Israel chuan al-Nabi Shaith bula plant hi kum eng emaw zat liam ta aṭang khan Hezbollah leh a thurualpui, Iran-ten an siam ṭan tawh tih a sawi thung. Tun hnaiah he hmuna an thiltih hi an hrechhuak tih sawiin, Hezbollah lam hian an hlauhthawn avangin hmanrua hlu zual ṭhenkhat chu Beirut-a civil mite chenna bialah an sawn niin a tarlang bawk.