Iran President-in US nena inbiak a duh lo
Iran President Hassan Rouhani chuan Thawhlehni khan an Parliament inkhawmah, US-in Iran a enhranna zawng zawng a tih tawp hma loh chuan, US nena inbiakna neih a duh loh thu a sawi.
Thla hmasaa G7 summit neih zawh takah khan, Rouhani leh US President Donald Trump-te chu meeting-ah tel ve mah se an thawhdunna hian ṭhat lam a pan hlei thei lo.
US justice department chuan Iranian oil tanker 'Grace 1' man phalna thupek chu August thla khan a lo tichhuak tawh a, hei hi dan loa Syria-a oil phurhluh tuma Iran puh a nih vang a ni. Iran international nuclear deal 2015 aṭangin US chu nikum May 8 khan a inhnukdawk a, heta ṭang hian Iran leh US inkar boruak hi a chhe zual sauh a ni.
Iranian nuclear deal hi 2015 July 14 khan Vienna-ah siam a ni a, 5+1 tih a ni. UN Security Council permanent member Britain, China, France, Russia leh United States bakah Germany-te nen nuclear lama thawhhona thuthlung hi Iran chuan a ziak a ni.