Huawei-in cyber-attack-ah US puh

Chinese technology giant Huawei chuan an company laka hrekna siamtu United States chu an network khawihbuaia cyber-attack kalpuiah a puh. 

Huawei chuan US chu an hnathawkte vauah a puh bawk a, nimina thuchhuah a siamah US sorkar chu an sumdawnna tibuai thei zawnga a hmanraw neih ang ang hmangah a puh a ni. Hetiang hi ni mah se US an puhna hi finfiahna an pechhuak tel lo thung.

Huawei hian dan loa an hna­thawkte hrengah US chu a puh bawk a, FBI-te pawhin an hna­thawkte chu in lamah haw tirin company information an neih theihna atan an nawr niin an sawi. Hetihlai hian US lam hian hemi chungchangah hian thu­chhuah engmah an la siam lo a ni.

US hian kumin May thla khan Huawei technology chu an ram security atan a hlauhawm nia sawiin a blacklist a, nasa takin a hrek zui a ni.