Brazil sorkarin UN commissioner thusawi dem

Brazil sorkar chuan United Nations High Commissioner for Human Rights leh Chile president hlui Michele Bachelet-i'n Brazil police-te chungchanga a thusawi chu an dem tih an sawi.

Michele Bachelet hian Geneva-a interview a neihnaah Brazil-a police-te tharum thawhna a sawisel a, Rio de Janeiro leh Sao Paulo-ah kum chanve chhungin mi 1,300 dawn an that tawh a ni, a ti. Brazil-ah chuan thla kal ta zawng zawngah khan human rights humhimtute beih an ni, a ti bawk.

Police-te chu dan chunga leng leh, chhan leh vang awm loa mi that thei nia inngaihna an nei chu a dem thu a sawi bawk a ni. Bachelet thusawi hi Brazil chuan a ngai haw hle a, Brazil president Jair Bolsonaro chuan vantlang hmaa thu a sawinaah Bachelet chu na taka sawiselin, Brazil chungchangah a inrawlh tih a sawi. An ram pasalṭha police-te chu beiin misualte a chhan a ni, a ti.