Iran-in nuclear R&D tichangtlung dawn: President

Iran president Hassan Rou­hani chuan nuclear research leh development tih­chang­­tlunna lamah vawiin  aṭang hian ke an pen dawn tih a sawi.

2015 nuclear deal-a in­­rem­­­na an siam, nuclear research and development activity-a khuahkhirhna awm, Joint Comprehensive Plan of Action chu Iran chuan a hnawl tawh dawn tih a sawi a ni.

Khuahkhirhnaa tel zawng zawng chu hnawlin Atomic Energy Organization of Iran (AEOI) chuan kawng hrang hranga uranium 'enrichment' siam a ṭulnaah hma a la nghal dawn tih a sawi bawk.

Iran hmalakna tur hi US chuan a helh hle rin a ni a, ram pahnih inkarah boruak muanawm a awm hrih dawn lo niin a lang.