US-in $mtd 250-in Ukraine ṭanpui dawn

US sorkarin Ukraine security assistance fund atan dollar maktaduai 250 a pe dawn tih US senator  Ron Johnson leh Chris Murphy-te chuan an sawi.

Ron Johnson leh Chris Murphy-te hian Ningani khan Ukraine president Volodymyr Zelensky chu meeting an neihpui a, hemi hnu hian ṭanpuina pek a nih tur thu hi an puang zui. Johnson chuan President Donald Trump an hmuh thu leh, Ukraine tana ṭanpuina tur pawisa pek dilna lehkha an thawn bawk thu a sawi.

Ṭanpuina hi tun fiscal year kal mekah kan pe hman lo a nih chuan, ka thawhpui Chris Murphy hi budget committee-ah a awm a, 2020 fiscal year-ah chuan pek ngei a nih theihna turin thutlukna an siam ngei dawn tih kan chiang a ni, a ti.

2019 fiscal year hi September 30 hian a tawp dawn a ni. Security assistance atana Ukraine hnena dollar mtd 250 a pek chuan, 2014 aṭangin US hian dollar tluklehdingawn 1.5 a pe tling tawh dawn a ni.