Afghanistan buaina chhuakah mi 16 thi

Afghanistan-a northern Takhar province-ah Ningani zan khan Taliban-te chuan sorkar force checkpoint an bei a, mi paruk an thah bakah pali dang an hliam.

Security force-te hian firfiakte hi lo beilet­in pariat an that ve bawk a, panga an hliam bawk tih provincial governor thupuangtu Mohammad Jawad Hijri chuan a sawi. He inbeihnaah hian civil mi pahnih thi an awm bawk a, pahnih dang an hliam bawk. Taliban lam hian laipui an hmang a, hei hian civil chenna in a kapfuh a ni. 

Taliban-te hian henglai province hi an la thunun nasa hle a, tlangah bihrukna hmun neiin security force-te hi an bei fo. Ṭhal lai leh nipui lai hi Afghanistan-ah hian 'fighting season' an ti ṭhin a, security force leh firfiakte inbeih nasat hun a ni.