China-in Pakistan-ah dollar tld khat hu project siam tum

China chuan Pakistan-ah development project, US dollar tluklehdingawn khat hu siam a tum tih a sawi. 

Pakistan-a China ambassador, Yao Jing chuan Islamabad Women's Chamber of Commerce and Industry (IWCCI)-ah he thu hi a puang a ni. 

Yao Jing chuan China-Pakistan Economic Corridor (CPEC) hnuaia development project thawh mek pawh a lungawithlak hle tih a sawi a, China-Pakistan Free Trade Agreement (CPFTA) thawh hnihna pawh October thla hian tihfel a ni dawn tih a sawi. CPFTA hi tihfel a nih hunah chuan Pakistan-in China rama agriculture leh seafood a thawnluhah chhiah engmah a chawi dawn lo a ni. Yao chuan, "Pakistan-in thil a thawnchhuah aṭanga a sum hmuh chu dollar maktaduai 500-in a pun phah thei dawn a, hei hian ram pahnihte inkara insumdawn tawnnaa inthlauhna sang lutuk pawh a ziaawm phah dawn a ni," a ti. 

China palai chuan November thlaa Islamabad Expo vawi ngana neih turah Chinese hmeichhe sumdawngte pawh sawm an ni dawn tih a sawi.