Anpui kawp dodalna school-ah Karen Pence thawk dawn

US Vice President Mike Pence-a nupui, Karen Pence-i chu mahni anpui kawp dodalna schoolah a thawk dawn. 

US second lady Karen Pence-i hian Virginia hmarlama elementary school, Immanuel Chris-tian school-ah art teacher angin a thawk dawn a, kar khatah vawi hnih a zirtir ṭhin dawn a ni. He school-ah hian mahni anpui kawpte chu dodalin, zirlai leh thawktu atan pawh an la duh lo a, hei hi zirlaite admission tih dawnin nu leh pate pawh hriattirin an hming pawh sign tir vek an ni. Agreement an ziahtirah hian mipa leh hmeichhia an nihna dan pela awmte lo hnar turin dikna an nei a ni tih pawh an tarlang a ni. Thawktu hna diltute pawhin 'Nupuite chu pasalte kutah a intulut tur a ni' tih thu chu an pawm vek a ngai bawk. 

Pence-i hi a pasal vice president atana dah a ni hmain he school-ah hian a lo thawk tawh a, mahse dinhmun pawimawh tak an chelh hnuah he school-a thawh a tum leh hian sawizui a hlawh tawh hle.