Pakistan medical team India-ah rawn luh an tum

Pakistan medical team doctor 75 chuang, nurse leh paramedic-te chu Kashmir mipuite ṭanpui leh an damlohnate puih an nih theihnan, nimin khan Line of Control (LoC) rawn luh tlang an tum thu media-te chuan an tarlang.

Pathianni khan Muzaffarabad khuaah medical team-te hi inhmu khawmin, nimin khan doctor 75-te bakah doctor dangin an ṭawiawm rin a ni. Medical team-te hian damdawi leh ṭanpuina bungraw tam tak ken luh nghal an tum bawk.

August 30 khan University of Health Sciences (UHS) leh Pakistan Society of Internal Medicine (PSIM)-te chuan Kashmir-ah hian medical team thawnna tur thuthlung an lo ziak tawh a ni. India thuneitute chuan harsatna lo siam lo hram turin UHS Vice-Chancellor Professor Javed Akram chuan a ngen. 

Doctor 21 thawn luh hmasak tum a nih thu Professor Akram chuan a sawi a, a theih loh chuan UHS leh PSIM human welfare lama mithiam doctor pathum tirh luh an duh thu a sawi. Kan tum dan chuan Chakothi district lam aṭanga luh kan duh a, a chhan chu damdawi leh ṭanpuina bungrua kan phurh dawn vang a ni, a ti.

September 5 khan Professor Akram chuan Indian High Commission First Secretary (Economics and Commerce) Ashish Sharma nen an inhmu tih sawiin, doctor-te visa tur a dilsak thu a sawi a, mahse doctor-te tan a la him tawk loh thuin alo chhang let.

Kashmir hmun ṭhenkhatah tunthlengin khuahkhirhna hi thlahdul a la ni lo a, ni 36 chhung chu hmun ṭhenkhatah hian mobile leh internet service ti tawp a ni tawh.