Typhoon Faxai vangin Tokyo khawpui a buai

Typhoon Faxai  chuan Japan khawpui Tokyo chu 210km/h (130mph)-a nain a nuai a, chhenna in  9,00,000 chuang zetin power an nei lo.

Faxai hi kum tam tak chhunga Japan nuai tu thli na ber a ni a, flight pawh 130 chuang cancel a ni. Rel station-te chu darkar eng emaw zat khar a nih bawk.

Japan national broad­caster NHK chuan nimin zing thleng khan power cut vanga harsatna tawk chhungaw 9,10,000 vel zet an awm thu a tarlang. Kanagawa khawpui pui­pui chuan current an nei lo bawk a, thuneitute pawhin mipuite chu pawn chhuak lo turin an ti hial. 

Kanagawa, Shizuoka leh Tokyo-a cheng mi nuai 3.9 vel chu inthiar­chhuak turin hriattir an ni bawk. Thlipui vanga thi hi pakhat report a awm a, 30 vel an hliam bawk a ni.