Subroto Cup U17 Mizoram-in Bangladesh an sawp

Subroto Cup Under 17 mipa inelnaah Mizoram chuan Pathianni khan Bangladesh 13-1 zetin an sawp a, Inrinni khan Kerala nen goal awm loin an inhnehtawk thung.

Mizoram aiawh hian SYS Football Academy, Lunglei an kal a, coach R. Lalmuankima'n a enkawl. Mizoram nena inhnehtawk Kerala team hi ISL club Kerala Blaster junior player-te an ni hlawm a, hei vang hian match hnih khelha point li an hlawh chhuak hi a ṭha thawkhat hle.

Delhi-a inelna neih mekah Mizoram hian vawiin tlai dar 2:00 hian West Bengal an hmachhawn ang a, September 11 hian group match hnuhnung berah International Board Schools Sports Org (IBSO) nen an inkhel ang.