BLM foundation-in Swedish human rights prize a dawng
Black Lives Matter Global Network Foundation chuan Sweden Olof Palme human rights prize for 2020 a dawng.
He chawimawina buatsaihtute hian police-te nunrawnna tharum tel lo leh buaina chawk chhuak lo zawnga duh lohna lantirna avang leh chi inthliarna lam hawi zawnga tharum thawhna thleng an dodalna avangin human rights prize hi an pe tih an sawi.
US-ah ringawt BLM movement-ah khan mi maktaduai 20 an tel tih sawiin khawvel ram dang aṭanga thlawptu mi maktaduai tel an awm thu an tarlang tel bawk a ni. Inrinni lo awm turah hian online hmangin lawmman hi an hlan dawn a, $100,000 an dawng dawn a ni.
Olof Palme hi Sweden prime minister leh human rights advocate a ni a, kum 1986 khan Stockholm-ah thah a ni. Amah hriat rengna atan kumtinin Olof Palme human rights prize hi an sem ṭhin. Black Lives Matter (BLM) movement hi kum 2013-a bulṭan tawh kha niin nikuma police kuta George Floyd a thih hnu khan a lar zual hle a ni.